Pitik Bulag Ang Pag-automate ng Halalan at ang Epekto nito sa Pagpapaliit ng Pagkakataon upang Makapandaya, sa Pagiging Bukas sa Publiko ng Halalan at sa Kredibilidad ng Halalan

Abstract

Noon pa man ay isang napakabigat na isyu na ng kawalan ng kredibilidad ng halalan sa Pilipinas. Dahil sa talamak na dayaan tuwing halalan, tila nagiging makinarya na lamang ang eleksyon upang mapanatili ang kapangyarihan ng mga naghaharing uri. Kaya naman kabi kabila ang pagkilos ng iba't ibang sektor upang ayusin ang moda ng halalan dito sa bansa. Ang pag automate ng halalan ang nakitang solusyon ng gobyerno upang mabigyan ng lunas ang mga problemang kakabit ng halalan. Yun nga lamang ay marami pa ring nakitang problema sa paggamit ng ganitong uri ng teknolohiya. Ang katotohanang wala pang makina saan mang panig ng mundo ang masasabing may sapat na kakayanan upang maging bukas ang halalan ay pinalala pa ng problemadong pamamahala ng Comelec sa nagdaang automated na halalan. Bagamat nagkaroon ng kapansin pansin na pagbabago sa porma ng halalan noong 2010, nanatili pa rin ang mga lumang problema at ang masakalap ay nadagdagan pa ito ng mga bago problema.