FAKATOWANGAN: Tradisyon ng Kamatayan sa mga Buhid Mangyan ng Sitio Bato-ili, Barangay MonteClaro, San Jose, Occidental Mindoro

Abstract

Bahagi ng kulturang Pilipino ang kamalayan at tradisyon kaugnay sa kamatayan. matatagpuan ang mga ito sa lahat ng sulok ng bansang Pilipinas. Kung kaya, maging sa nakaugalian ay mayroon din itong makulay na pagpahayag lalung-lalo na sa mga etnolingwistikong grupo sa bansa. Ang papel na ito ay isang panimulang pag-aaral sa tradisyon ng kamatayan ng mg a Buhid Mangyan ng Sitio Bato- ili, Barangay Monte Claro, San Jose, Occidental Mindoro. Ang Sitio Bato-ili ay isang pamayanan ng mg a katutubong Buhid Mangyan sa lalawigan ng Occidental Mindoro. Kagaya ng iba pang etnolingwistikong grupo, ang tradisyon ng kamatayan ay isang napakalalim at napakakulay na tradisyon. Sa pag-aaral na ito, tinalakay ang kamalayan at tradisyon ng kamatayan bilang bahagi ng diwa ng buhay. Tinukoy at tinalakay ang iba't ibang aspeto sa kaugnay sa kamatayan. Gayundin, bilang pagsusuri, iniugnay ang paniniwala at kamalayan ng mg a Buhid Mangyan sa Gaia Hypothesis kung saan higit na maipaliliwanag ang konsepto ng kaluluwa sa isang makabago at siyentipikong perspektibo.