Si Ernesto S Deato Jr. ay kasalukuyang nagtuturo bilang Senior High School Teacher I ng Jesus Dela Pena National High School. Nagtapos siya ng Master ng Artes sa Filipinolohiya (Wika, Kultura at Sining) sa Pamantasan ng Lungsod ng Marikina. Naging fellow siya ng Linangan sa Imahen, Retorika at Anyo (LIRA) noong 2015. Gayundin, ilan pa sa kaniyang mga naisulat na akda ay nalathala sa mga antolohiya gaya ng Flight 143: Tula ng Pag-ibig at Paglipad, Buhawi (Unang Bugso) at Eksena; at maging sa mga literary journal gaya ng Luntian Online Journal at Bukang-Liwayway.
